Гомәр Толымбай

Гомәр Толымбай 1900 елның 14 апрелендә Сембер губернасының Буа  өязе (хәзерге Татарстанның  Буа районы) Толымбай  авылында туа. Башта ул үз авылларында, аннан Буа мәдрәсәсендә укый. Аннары Петроградка китә, туган якларына кире кайтып җир даулау көрәшләрендә катнаша, 1918 елда укытучы булып эшли. Каләм тибрәтә башлавы да шушы чорга туры килә: шигырьләр Г.Толымбайның егерме елга якын сузылган иҗат гомерендә утыз китабы басылып чыга. Әдип калдырган төрле жанрдагы әдәби мирасның кыйммәтле өлеше – хикәяләр һәм фольклорга караган хезмәтләр. Хикәяче буларак, Г.Толымбай 20-30нчы еллардагы авыл, крестьян тормышына багышланган һәм андагы үзгәрешләрне, сыйнфый каршылыкларны, колхозлашу чоры күренешләрен тасвирлаган әсәрләре белән кызыклы.яза, драматургиядә көчен сынап карый.
Г. Толымбай гражданнар сугышында катнаша. Фронттан кайткач, Казан көндәлек матбугатында, «Безнең  юл» журналында бастырган сугышчан рухлы мәкаләләре һәм агитацион характердагы әдәби әсәрләре аны тиз арада яшь әдәби көчләрнең берсе итеп таныта. Г.Толымбай белемен күтәрү өчен 1924-1927 елларда Татар коммунистлар университетында укый, «Фатих  Әмирхан иҗаты» дигән темага диссертация яклый, профессор дигән гыйльми дәрәҗә ала. Гомеренең соңгы елларында педагогика институтында укыта һәм Татарстан дәүләт нәшриятының матур әдәбият секторына җитәкчелек итә. Г. Толымбай 1939 елның 13 июнендә җәзалап үтерелә.
Әсәрләре:
Толымбай әсәрләре: 2 китапта. Казан, 1929–1930.
Сайланма әсәрләр. Казан, 2000.